മത്സ്യത്തൊഴിലാളികളുടെ ആരോഗ്യ പരിപാലന പദ്ധതി-“സ്‌നേഹസാഗരം”

പ്രളയ ദുരിതാശ്വാസ മേഖലയില്‍ കേരളത്തിന്റെ സൈന്യമായി പ്രവര്‍ത്തിച്ച തിരുവനന്തപുരം ജില്ലയിലെ 541 മത്സ്യത്തൊഴിലാളികളുടെ ആരോഗ്യ സംരക്ഷണം സ്വസ്തി ഫൗണ്ടേഷന്റെയും, ടി.എസ്.എസ്.എസിന്റെയും, മെട്രോമനോരമയുടെയും നേതൃത്വത്തിലെ കൂട്ടായ്മ ഏറ്റെടുക്കുന്നു. ദിവ്യപ്രഭ കണ്ണാശുപത്രി, ജ്യോതിദേവ് ഡയബറ്റിക് സെന്ററര്‍, ശ്രീ ഗോകുലം മെഡിക്കല്‍കോളേജ്, ജി.ജി ഹോസ്പിറ്റല്‍, എസ്.എന്‍. ഗ്‌ളോബല്‍ മിഷന്‍, പി.എം.എസ് ഡെന്റല്‍ കോളേജ്, ഗവ.റീജിയണല്‍ ഇന്‍സ്റ്റിറ്റൂട്ട് ഓഫ് ഒപ്താല്‍മോളജി, ഗവ.ഡെന്റല്‍ കോളേജ് എന്നിവരുടെ സഹകരണത്തോടെയാണ് ‘സ്‌നേഹസാഗരം’ എന്ന പദ്ധതി. കാര്‍ഡിയോളജി, ഓണ്‍കോളജി, ഡയബറ്റോളജി, പ്‌ളാസ്റ്റിക് സര്‍ജറി, പീഡിയാട്രിക്, ഡെന്റല്‍, ഡെര്‍മെറ്റോളജി, ഒഫ്താല്‍മോളജി, ഓര്‍ത്തോപീഡിയാക്, ഗൈനക്കോളജി, ജനറല്‍ മെഡിസിന്‍, സൈക്കാട്രി, ഇ.എന്‍.ടി, യൂറോളജി തുടങ്ങിയ വിഭാഗങ്ങളിലായി സ്വസ്തി ഫൗണ്ടേഷനിലെ പ്രഗത്ഭരായ 40 ഓളം ഡോക്ടര്‍മാരുടെ സംഘമാണ് പദ്ധതിക്ക് നേതൃത്വം നല്‍കുന്നത്. ഒക്‌ടോബര്‍ രണ്ടാം വാരത്തില്‍ വെള്ളയമ്പലം ടി.എസ്.എസ്.എസില്‍ നടക്കുന്ന ഈ പ്രോജക്ടിന്റെ ആദ്യ ക്യാമ്പില്‍ വച്ച് ഇവര്‍ക്ക് ആരോഗ്യ കാര്‍ഡുകള്‍ വിതരണം ചെയ്യും.…

Read More